دليل البداية
من أول يوم لحد ما النظام يبقى هو مصدر الحقيقة عندك. الترتيب ده مهم — كل خطوة بتبني على اللي قبلها.
-
اربط متجرك
اختار منصتك وحطّ مفاتيح الربط، أو خُد الـwebhook وحطّه في متجرك المخصوص. اعمل أوردر تجربة وتأكد إنه ظهر في «الطلبات».
-
نقّل منتجاتك ومخزونك
سحب مباشر من منصتك أو استيراد بقالب Excel. مهم: حدّد تكلفة كل منتج صح من الأول — كل تقرير ربح بعد كده بيعتمد عليها.
-
ظبّط الشحن والمناطق
ضيف كل شركة بمفاتيحها ووزّع المحافظات عليها. القاعدة: منطقة واحدة لشركة واحدة — التداخل بيخلّي السعر يطلع غلط.
-
افتح حسابات فريقك
لكل موظف حساب برول: تأكيد · تحضير · شحن · مالية · مشرف. الرول بيحدد يشوف إيه ويعمل إيه.
-
شغّل أول دورة كاملة
أوردر واحد من أوله لآخره: تأكيد ← تحضير ← بوليصة ← تسليم للشركة ← تسليم للعميل ← تسوية. الدورة دي بتكشف أي حاجة ناقصة قبل ما تنقل كل شغلك.
-
ابدأ التسوية كل أسبوع
أول ما كشف شركة الشحن ينزل، اعمل تسوية. الفرق اللي عمره أسبوع تلاقيه، واللي عمره شهر بيضيع.
-
وبعدين المحاسبة
لما التشغيل يستقر، افتح المحاسبة. القيود بتتولّد من حركاتك الفعلية فمش محتاج تدخّل قيود بإيدك.
حاجات بتوفّر عليك وجع
ثبّت النظام على موبايلك
افتح النظام من متصفح الموبايل واختار «إضافة إلى الشاشة الرئيسية» — هيشتغل كتطبيق بأيقونة وإشعارات من غير متجر تطبيقات. مفيد جدًا لناس المخزن والتسليم.
خلّي التقارير تيجي لك
فعّل تقارير تليجرام: تقرير يومي بأوردرات ومبيعات أمس، وتقرير أرباح أول كل شهر، ومعاه تنبيهات شركات الشحن لما حالة تتغيّر.
اربط صرف الإعلانات
حطّ توكن ميتا وحسابك الإعلاني مرة واحدة، والنظام بيسحب الصرف اليومي لوحده كل ليلة ويدخله في حساب الربح — فالربح اللي تشوفه بعد الإعلانات مش قبلها.
اقفل الشهر لما يخلص
بعد ما تخلص تسوية شهر وتطلّع قوائمه، اقفله. ده بيمنع أي تعديل رجعي يغيّر أرقام شهر انت قلتها لحد.
الدليل الكامل جوّه النظام
كل موديول جوّه اللوحة فيه شرحه، ومعاك «أوردي» — مساعد بيرد على أسئلتك عن النظام وبيوصّلك للشاشة الصح، وبيقدر يدوّر لك على أوردر أو رصيد منتج أو حالة تحصيل وانت بتكلّمه عادي.
تواصل معنا