هتكسب إيه لما تشترك
اللي بيتغيّر فعلاً في فلوسك ومخزنك ووقت فريقك.
فلوس التحصيل بترجع كاملة
كشف شركة الشحن بيتطابق أوردر بأوردر، وأي فرق بيطلع بالاسم واليوم.
تعرف ربحك الحقيقي كل يوم
بعد تكلفة المنتج والشحن والمرتجع والإعلانات — لكل منتج ولكل يوم.
مخزنك بيطابق الواقع
تحضير بباركود وحجز وجرد — الأوردر الغلط بيتمسك قبل ما يخرج من الباب.
فريقك شغّال على شاشة واحدة
كل موظف بصلاحيته، والعمولات بتتحسب لوحدها، وكل تعديل حساس مسجّل.
قفل الشهر بيخرج من النظام
قيد مزدوج وميزان وقائمة دخل من نفس الأوردرات — محاسبك بيراجع بدل ما يجمّع.
وقتك بيرجع لك
الأوردرات والبوالص والتتبّع بيمشوا لوحدهم.
أوردكس بيفرق معاك لو…
- عندك متجر شغّال وبيجيب أوردرات كل يوم
- بتشحن بالدفع عند الاستلام وفلوسك عند شركة الشحن
- عندك مخزن وناس بتحضّر وبتغلّط
- بتشتغل مع أكتر من شركة شحن
- عايز تعرف ربحك الحقيقي بعد الشحن والمرتجع والإعلانات
- عندك موظفين بعمولات وبتحسبها بإيدك
- لسه مابدأتش وماعندكش أوردرات يومية
- أوردراتك قليلة ولسه ماسكها بإيدك من غير وجع
- كل بيعك بدفع مسبق ومفيش شحن بتحصيل
ليه الأرقام دي بتطلع صح
اتبنى جوّه تشغيل حقيقي
أوردكس مابدأش كمنتج يتباع. بدأ كنظام داخلي بيشغّل علامات تجارية حقيقية، وكل موديول جوّاه اتبنى عشان مشكلة وقعت فعلاً — مش عشان بند في قايمة فيتشرز.
المحاسبة بتفهم الدفع عند الاستلام
الإيراد بيتعرف عند التسليم مش عند الشحن. دي نقطة بسيطة في الشكل بس هي اللي بتخلي قوائمك المالية مطابقة لفلوسك الحقيقية كل شهر.
قاعدة بيانات منفصلة لكل عميل
بياناتك مش صفوف في قاعدة مشتركة مع عملاء تانيين — ليك قاعدة لوحدك على استضافتنا. الباك أب يومي ومشفّر ومعاه نسخة خارج السيرفر، والاسترجاع متجرّب فعليًا مش مكتوب في بروشور.
كل تعديل حساس مسجّل
مين عدّل سعر، مين ألغى أوردر، مين لمس مخزون — كله في سجل تقدر ترجعه. ومعاه موافقة تانية على الأفعال اللي بتصرف فلوس.
شايف إن ده كلامك؟
تواصل معنا، نسمع تشغيلك ونقولك النظام هيوفّرلك إيه بالظبط ومن فين تبدأ.